Phone Usage Rule : ಇತ್ತೀಚೆಗೆ ಮೊಬೈಲ್ ಫೋನ್ಗಳನ್ನು ಮನೋರಂಜನೆಗಾಗಿ ಎಲ್ಲೆಂದರಲ್ಲಿ ಬೇಕಾ ಬಿಟ್ಟಿ ಬಳಸುವುದು ನಾವು ನೋಡಿದ್ದೇವೆ. ಅದರಲ್ಲೂ ಬಸ್ಗಳಲ್ಲಿ ಪ್ರಯಾಣಿಸುವಾಗ ಕೆಲವರು ಯಾವಾಗ ಬೇಕಾದರೂ ತಮ್ಮ ಫೋನ್ ತೆಗೆದು ವೀಡಿಯೊಗಳನ್ನು (video) ವೀಕ್ಷಿಸಲು ಅಥವಾ ಜೋರಾಗಿ ಹಾಡುಗಳನ್ನು ಪ್ಲೇ (Song play) ಮಾಡಲು ಪ್ರಾರಂಭಿಸುವುದನ್ನು ನೀವು ಹಲವು ಬಾರಿ ನೋಡಿರಬಹುದು. ಅಲ್ಲದೆ ಅನೇಕ ಬಾರಿ ವಯಸ್ಸಾದ ಪ್ರಯಾಣಿಕರಿಗೆ ಆ ಕಾರಣದಿಂದ ಬಹಳಷ್ಟು ತೊಂದರೆ ಉಂಟಾಗಿರರುವ ಉದಾಹರಣೆಗಳಿವೆ. ಈ ಸಮಸ್ಯೆಯನ್ನು ನಿಭಾಯಿಸಲು, ಇದೀಗ ಹೊಸ ನಿಯಮವನ್ನು (Phone Usage Rule) ರೂಪಿಸಲಾಗಿದೆ.
ಹೌದು, ಇನ್ನುಮುಂದೆ ಹೆಡ್ ಫೋನ್ ಬಳಸದೆಯೇ ಹೈ ವಾಲ್ಯೂಮ್ ನಲ್ಲಿ ವೀಡಿಯೋಗಳನ್ನು ವೀಕ್ಷಣೆ ಮಾಡಿದರೆ ಜನರ ಜೇಬಿಗೆ ಅದು ಭಾರಿ ಹೊಡೆತವನ್ನೇ ನೀಡಲಿದೆ.
ನಿಯಮ ಪ್ರಕಾರ ಬಸ್ನಲ್ಲಿ ಪ್ರಯಾಣಿಸುವಾಗ ವೀಡಿಯೊಗಳನ್ನು ಅಥವಾ ಹಾಡುಗಳನ್ನು ದೊಡ್ಡ ಧ್ವನಿಯಲ್ಲಿ ಕೇಳಲು ಪ್ರಾರಂಭಿಸಿದರೆ, ಆ ವ್ಯಕ್ತಿಯು ₹ 5000 ದಂಡವನ್ನು ಪಾವತಿಸಬೇಕಿದೆ . ಜೊತೆಗೆ 3 ತಿಂಗಳ ಜೈಲು ಶಿಕ್ಷೆ ಅನುಭವಿಸಬೇಕಾಗುತ್ತದೆ .
ಸದ್ಯ ಮುಂಬೈನಲ್ಲಿ ಈ ನಿಯಮವನ್ನು ಜಾರಿಗೊಳಿಸಲಾಗಿದೆ. ಮತ್ತು ಈ ನಿಯಮವನ್ನು BEST ಅಂದರೆ ಬೃಹನ್ಮುಂಬೈ ಎಲೆಕ್ಟ್ರಿಕ್ ಸರಬರಾಜು ಮತ್ತು ಸಾರಿಗೆಯಿಂದ ಜಾರಿಗೊಳಿಸಲಾಗಿದೆ. ಈ ನಿಯಮದ ಪ್ರಕಾರ, ಮೊಬೈಲ್ ಫೋನ್ಗಳ ಸ್ಪೀಕರ್ನಲ್ಲಿ ವೀಡಿಯೊಗಳನ್ನು ವೀಕ್ಷಿಸುವುದನ್ನು ಅಥವಾ ಬಸ್ನಲ್ಲಿ ದೊಡ್ಡ ಧ್ವನಿಯಲ್ಲಿ ಹಾಡುಗಳನ್ನು ಪ್ಲೇ ಮಾಡುವುದನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿದೆ ಮತ್ತು ಈ ಹಿನ್ನೆಲೆಯಲ್ಲಿ ಏಪ್ರಿಲ್ 25 ರಂದು ಅಧಿಸೂಚನೆಯನ್ನು ಸಹ ಹೊರಡಿಸಲಾಗಿದೆ.
ಈ ನಿಯಮದ ಬಗ್ಗೆ
ಜನರಿಗೆ ನಿರಂತರವಾಗಿ ಮಾಹಿತಿ ನೀಡಲಾಗುತ್ತಿದೆ ಮತ್ತು ಹಾಗೆ ಮಾಡದಂತೆ ಅವರಿಗೆ ಸಲಹೆ ನೀಡಲಾಗುತ್ತಿದೆ. ಅಷ್ಟೇ ಅಲ್ಲ, ಯಾವುದೇ ಪ್ರಯಾಣಿಕರು ಜೋರಾಗಿ ಮಾತನಾಡದಂತೆ ನಿರ್ಬಂಧವಿದೆ. ಏಕೆಂದರೆ ಹಾಗೆ ಮಾಡುವುದು ಒಂದು ಶಿಕ್ಷಾರ್ಹ ಅಪರಾಧವಾಗಲಿದೆ.
ಮುಂಬೈನಲ್ಲಿ ಶಬ್ದ ಮಾಲಿನ್ಯ ನಿರಂತರವಾಗಿ ಹೆಚ್ಚುತ್ತಿದೆ ಮತ್ತು ಇದರಿಂದಾಗಿ ಅನೇಕ ಜನರು ಬಹಳಷ್ಟು ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ, ವಿಶೇಷವಾಗಿ ವಯಸ್ಸಾದ ಪ್ರಯಾಣಿಕರು ಇದರಿಂದ ಬಹಳಷ್ಟು ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.
ಯಾವುದೇ ವ್ಯಕ್ತಿ ಅನಾರೋಗ್ಯದಿಂದ ಬಳಲುತ್ತಿದ್ದರೆ ಅಥವಾ ಯಾವುದೇ ರೀತಿಯ ಕಾಯಿಲೆಯಿಂದ ಬಳಲುತ್ತಿದ್ದರೆ, ಹಾಡು ಕೇಳುವಾಗ ಅಥವಾ ವೀಡಿಯೊ ನೋಡುವಾಗ ಆ ವ್ಯಕ್ತಿಯು ಸಾಕಷ್ಟು ಸಮಸ್ಯೆಗಳನ್ನು ಎದುರಿಸಬಹುದು ಎಂಬುದನ್ನು ಗಮನದಲ್ಲಿಟ್ಟುಕೊಂಡು ಈ ಹೊಸ ನಿಯಮವನ್ನು ತರಲಾಗಿದೆ.
ಇದನ್ನೂ ಓದಿ: ಶಿವರಾಜ್ ಕುಮಾರ್-ಗೀತಾ ಮದುವೆಗೆ ಅಣ್ಣಾವ್ರು ಒಪ್ಪಿರಲಿಲ್ಲ, ಹಾಗಾದ್ರೆ ಮದ್ವೆ ಮಾಡಿದ್ದು ಯಾರು ?!
