Post Office Scheme: ಭವಿಷ್ಯದಲ್ಲಿ ಯಾವುದೇ ಅಪಾಯವಿಲ್ಲದ ಯೋಜನೆಯಲ್ಲಿ ಹಣ ಹೂಡಿಕೆ ಮಾಡುವುದು ಮುಖ್ಯ. ಈ ದೃಷ್ಟಿಯಿಂದ ನೋಡುವುದಾದರೆ ಪೋಸ್ಟ್ ಆಫೀಸ್ ಹೂಡಿಕೆ ಅತ್ಯುತ್ತಮ ಆಯ್ಕೆಯಾಗಿದೆ. ಅಂತೆಯೇ ಪೋಸ್ಟ್ ಆಫೀಸ್ ಯೋಜನೆಯಡಿಯಲ್ಲಿ (Post Office Scheme) ಹಲವು ಉತ್ತಮ ಉಳಿತಾಯ ಯೋಜನೆಗಳನ್ನು ಜಾರಿ ಮಾಡಲಾಗಿದೆ. ಅವುಗಳಲ್ಲಿ ನೀವು ಅಪಾಯ-ಮುಕ್ತ ಹೂಡಿಕೆ ಯೋಜನೆಯನ್ನು ಹುಡುಕುತ್ತಿದ್ದರೆ, ಕಿಸಾನ್ ವಿಕಾಸ್ ಪತ್ರ ನಿಮಗೆ ಉತ್ತಮ ಆಯ್ಕೆಯಾಗಿದೆ.
ಹೌದು, ಕಿಸಾನ್ ವಿಕಾಸ್ ಪತ್ರ ಅಥವಾ KVP ಭಾರತ ಸರ್ಕಾರವು ಉತ್ತೇಜಿಸಿದ ಸಣ್ಣ ಉಳಿತಾಯ ಸಾಧನಗಳಲ್ಲಿ ಒಂದಾಗಿದೆ. ದೀರ್ಘಾವಧಿಯ ಅವಧಿಗೆ ಸಣ್ಣ ಪ್ರಮಾಣದ ಉಳಿತಾಯವನ್ನು ಉತ್ತೇಜಿಸುವುದು ಈ ಯೋಜನೆಯ ಉದ್ದೇಶವಾಗಿದೆ. ಜೊತೆಗೆ ಹೂಡಿಕೆಯ ಅವಧಿಯಲ್ಲಿ ಹೂಡಿಕೆಯನ್ನು ದ್ವಿಗುಣಗೊಳಿಸುವುದು ಕಿಸಾನ್ ವಿಕಾಸ್ ಪತ್ರದ ಉದ್ದೇಶವಾಗಿದೆ. ಪೋಸ್ಟ್ ಆಫೀಸ್ನ ಈ ಸರ್ಕಾರಿ ಯೋಜನೆಯಾದ (Post Office Scheme) ‘ಕಿಸಾನ್ ವಿಕಾಸ್ ಪತ್ರ’ವು ಗ್ಯಾರಂಟಿಯೊಂದಿಗೆ ಹಣ ದ್ವಿಗುಣಗೊಳಿಸುವ ಏಕೈಕ ಸರ್ಕಾರಿ ಯೋಜನೆಯಾಗಿದೆ.
ಹೌದು, ಕಿಸಾನ್ ವಿಕಾಸ್ ಪತ್ರ ಯೋಜನೆಯಡಿ, ಅಕ್ಟೋಬರ್-ಡಿಸೆಂಬರ್ ತ್ರೈಮಾಸಿಕದಲ್ಲಿ ಠೇವಣಿಗಳ ಮೇಲೆ ಶೇಕಡಾ 7.5 ರಷ್ಟು ಬಡ್ಡಿದರದ ಪ್ರಯೋಜನವನ್ನು ನೀವು ಪಡೆಯುತ್ತೀರಿ. ಈ ಯೋಜನೆಯ ವಿಶೇಷವೆಂದರೆ ನೀವು ಬಯಸಿದಷ್ಟು ಮೊತ್ತವನ್ನು ಹೂಡಿಕೆ ಮಾಡಬಹುದು.
ಮುಖ್ಯವಾಗಿ ಅಂಚೆ ಕಚೇರಿ ಹೂಡಿಕೆ ಮಾಡಬೇಕಾದ ಮೊತ್ತದ ಮೇಲೆ ಯಾವುದೇ ಗರಿಷ್ಠ ಮಿತಿಯನ್ನು ನಿಗದಿಪಡಿಸಿಲ್ಲ. ಅದೇ ಸಮಯದಲ್ಲಿ, ನೀವು ಈ ಯೋಜನೆಯಲ್ಲಿ ಕನಿಷ್ಠ 1000 ರೂ.ಗಳನ್ನು ಹೂಡಿಕೆ ಮಾಡಬಹುದು. ಈ ಯೋಜನೆಯಲ್ಲಿ ನೀವು 10 ಲಕ್ಷ ರೂ.ಗಳನ್ನು ಹೂಡಿಕೆ ಮಾಡಿದರೆ, ನೀವು 9 ವರ್ಷ 7 ತಿಂಗಳಲ್ಲಿ ಅಂದರೆ 115 ತಿಂಗಳಲ್ಲಿ ಒಟ್ಟು 20 ಲಕ್ಷ ರೂ.ಗಳನ್ನು ಪಡೆಯಬಹುದು.
ಅದರಲ್ಲೂ ಅಂಚೆ ಕಚೇರಿ ಈ ಖಾತೆಯನ್ನು ಏಕಾಂಗಿಯಾಗಿ ಮತ್ತು ಜಂಟಿಯಾಗಿ ತೆರೆಯುವ ಆಯ್ಕೆಯನ್ನು ನೀಡುತ್ತದೆ. ಮೂವರು ಒಟ್ಟಿಗೆ ಜಂಟಿ ಖಾತೆಯನ್ನು ತೆರೆಯಬಹುದು. ಖಾತೆದಾರನು ಮುಕ್ತಾಯಗೊಳ್ಳುವ ಮೊದಲು ಸಾವನ್ನಪ್ಪಿದರೆ, ಖಾತೆಯಲ್ಲಿ ಠೇವಣಿ ಮಾಡಿದ ಮೊತ್ತವನ್ನು ನಾಮನಿರ್ದೇಶಿತ ಅಥವಾ ಉತ್ತರಾಧಿಕಾರಿಗೆ ನೀಡಲಾಗುತ್ತದೆ. ಅದೇ ಸಮಯದಲ್ಲಿ, ನೀವು ಮುಕ್ತಾಯಗೊಳ್ಳುವ ಮೊದಲು ಖಾತೆಯನ್ನು ಮುಚ್ಚಲು ಬಯಸಿದರೆ, ನೀವು ಅದನ್ನು 2 ವರ್ಷ 6 ತಿಂಗಳವರೆಗೆ ಮಾಡಬಹುದು.
