ಸಿನಿಮಾ ವೀಕ್ಷಣೆ, ಆಟೋಟ, ರಿಯಾಲಿಟಿ ಶೋ ಮುಂತಾದವುಗಳನ್ನು ವೀಕ್ಷಿಸುವುದರಲ್ಲಿ ಕೆಲವರಂತೂ ಎತ್ತಿದ ಕೈ ಅನ್ನಬಹುದು. OTT ಟ್ರೆಂಡ್ ಇತ್ತೀಚಿನ ದಿನಗಳಲ್ಲಿ ಮಹತ್ತರವಾಗಿ ಬೆಳೆದಿದೆ. ಹಾಗಾಗಿ ದೇಶದ ಪ್ರಮುಖ ಟೆಲಿಕಾಂ ಕಂಪನಿಗಳಲ್ಲಿ ಒಂದಾದ ಏರ್ಟೆಲ್ ತನ್ನ ಗ್ರಾಹಕರಿಗಾಗಿ ವಿವಿಧ ಯೋಜನೆಗಳನ್ನು ತರುತ್ತಿದೆ. ಹೌದು, ಏರ್ ಟೆಲ್ ನೆಟ್ವರ್ಕ್ ಈಗ ಎಲ್ಲೆಡೆಯು ಇದೆ. ಜನರು ಎಷ್ಟೇ ಕೆಲಸದ ಒತ್ತಡ ಇದ್ದರೂ ಸಹ ಮನೋರಂಜನೆಗಾಗಿ ಸ್ವಲ್ಪ ಬಿಡುವು ಮಾಡಿಕೊಳ್ಳುತ್ತಾರೆ ಅನ್ನೋದು ಸತ್ಯ.
ಸದ್ಯ ಜನರು OTT ವಿಷಯವನ್ನು ಹೆಚ್ಚು ಇಷ್ಟಪಡುತ್ತಾರೆ. ಪ್ರಸ್ತುತ ಒಟಿಟಿಯಲ್ಲಿ ಹಲವು ಹೊಸ ಸಿನಿಮಾಗಳೂ ಬಿಡುಗಡೆಯಾಗುತ್ತಿವೆ.
ಈ ಪರಿಸ್ಥಿತಿಯಲ್ಲಿ, ಟೆಲಿಕಾಂ ಕಂಪನಿಗಳು ಸಹ ಗ್ರಾಹಕರಿಗೆ OTT ಅನ್ನು ಲಭ್ಯವಾಗುವಂತೆ ಮಾಡಲು ಪ್ರಯತ್ನಿಸುತ್ತಿವೆ. ಇದಕ್ಕಾಗಿ ಕರೆ ಮತ್ತು ಡೇಟಾ ಜತೆಗೆ ಹೆಚ್ಚುವರಿ ಆಫರ್ ಗಳನ್ನು ಪ್ರಕಟಿಸಲಾಗುತ್ತಿದೆ. ಹಾಗೆಯೇ ಏರ್ಟೆಲ್ ಕೂಡ ಗ್ರಾಹಕರಿಗೆ ಉಚಿತ OTT ಆಫರ್ ತಂದಿದ್ದಾರೆ. OTT ಸೌಲಭ್ಯದ ಭಾಗವಾಗಿರುವ ಡಿಸ್ನಿ + ಹಾಟ್ಸ್ಟಾರ್ ಅನ್ನು 3 ತಿಂಗಳವರೆಗೆ ಬಳಕೆದಾರರು ಪಡೆಯಬಹುದು ಎಂದು ಹೇಳಲಾಗುತ್ತದೆ.
ಸದ್ಯ ಏರ್ ಟೆಲ್ ನ ಪ್ರಿಪೇಯ್ಡ್ ಯೋಜನೆಯು ರೂ.499 ನಲ್ಲಿ ಬರುತ್ತದೆ. ಇದರೊಂದಿಗೆ.. ಡಿಸ್ನಿ + ಹಾಟ್ಸ್ಟಾರ್ ಉಚಿತ ಚಂದಾದಾರಿಕೆ ಇದೆ. 3 ತಿಂಗಳ ವ್ಯಾಲಿಡಿಟಿ ಹೊಂದಿರುವ ಈ ಪ್ಲಾನ್ ಬಳಕೆದಾರರಿಗೆ ಒಳ್ಳೆಯದು. ಸದ್ಯ ರೂ.499 ಪ್ಲಾನ್ ಮೂಲಕ ಗ್ರಾಹಕರು ಪ್ರತಿದಿನ 2GB ಡೇಟಾ, ಅನಿಯಮಿತ ಧ್ವನಿ ಕರೆ ಮತ್ತು 100 SMS ಕಳುಹಿಸುವ ಸೌಲಭ್ಯವನ್ನು ಪಡೆಯಬಹುದಾಗಿದೆ. ಅದಲ್ಲದೆ ಥ್ಯಾಂಕ್ಸ್ ಆಪ್ ಮೂಲಕ ರೂ.499 ಪ್ಲಾನ್ ಜೊತೆಗೆ ಉಚಿತ ಹಲೋ ಟ್ಯೂನ್ಸ್ ಮತ್ತು ವಿಂಕ್ ಮ್ಯೂಸಿಕ್ ಸಹ ನೀಡಲಾಗುತ್ತಿದೆ. ಜೊತೆಗೆ ಗ್ರಾಹಕರು ಅಪೊಲೊ 24/7 ಸರ್ಕಲ್, ಫಾಸ್ಟ್ಯಾಗ್ನಲ್ಲಿ ರೂ.100 ಕ್ಯಾಶ್ಬ್ಯಾಕ್ ಪಡೆಯಬಹುದು.
ಒಟ್ಟಿನಲ್ಲಿ OTT ಜನರ ಮನಸ್ಸನ್ನು ಗೆದ್ದಿರುವುದು ಖಂಡಿತ. ಯಾಕೆಂದರೆ OTT ದಿನೇ ದಿನೇ ಉತ್ತಮ ಬೆಳವಣಿಗೆ ಕಾಣುತ್ತಿದೆ. ಇದು ಸ್ವಲ್ಪ ಹೆಚ್ಚಿನ ದರದ ಪ್ಲಾನ್ ಆಗಿದ್ದರೂ ಕೂಡ ಈ ಮೂಲಕ ನೀಡಲಾಗುವ ಹೆಚ್ಚುವರಿ ಆಫರ್ಗಳು ಜನರನ್ನು ತನ್ನತ್ತ ಆಕರ್ಷಿಸುತ್ತಿದೆ.
