Malpe News: ಮೀನುಗಾರರ ಬಲೆಗೆ ಬಿದ್ದ ಭರ್ಜರಿ 400 ಕೆಜಿ ತೂಕದ ಬೃಹತ್‌ ಮೀನು!!

Malpe News: ಕಡಲಾಳದಲ್ಲಿ ಸಿಗುವ ಮೀನುಗಳ ಸಂಖ್ಯೆ ಅಗಾಧ. ಅಂತಹುದೇ ಒಂದು ದೈತ್ಯ ಮೀನು ಇದೀಗ ಮೀನುಗಾರರ ಬಲೆಗೆ ಬಿದ್ದಿದೆ. ಹೌದು, ಭರ್ಜರಿ 400 ಕೆಜಿ ತೂಕದ ಬೃಹತ್‌ ಗಾತ್ರದ ಮೀನು ದೊರೆತಿದ್ದು, ಇದನ್ನು ಕಂಡು ಮೀನುಗಾರರು ಹಿರಿಹಿರಿ ಹಿಗ್ಗಿದ್ದಾರೆ. ಅಂದ ಹಾಗೆ ಈ ಘಟನೆ ನಡೆದಿರುವುದು ಮಲ್ಪೆ ಮೀನುಗಾರಿಕೆ ( Malpe News) ಬಂದರಿನಲ್ಲಿ.

ಬಲರಾಂ ಪರ್ಸೀನ್‌ ಬೋಟಿನವರಿಗೆ ಈ ಮೀನು ದೊರಕಿದೆ. ಈ ಮೀನಿನ ಹೆಸರು ಬಿಲ್‌ಫಿಸ್‌. ಇದನ್ನು ಸ್ಥಳೀಯವಾಗಿ ಮಡಲು ಮೀನು ಅಥವಾ ಕಟ್ಟೆಕೊಂಬು ಮೀನು ಎಂದು ಕರೆಯಲಾಗುತ್ತದೆ.

ಇದು ಸಣ್ಣ ಗಾತ್ರದಲ್ಲಿ ದೊರೆಯುವುದು ಸಾಮಾನ್ಯ. ಆದರೆ ಇಷ್ಟೊಂದು ದೊಡ್ಡ ಗಾತ್ರದಲ್ಲಿ ದೊರೆತಿರುವುದು ನಿಜಕ್ಕೂ ಆಶ್ಚರ್ಯ ಎಂದು ಮೀನುಗಾರರು ಹೇಳುತ್ತಾರೆ.