Network Problem: ಮೊಬೈಲ್ ಇಲ್ಲದೆ ಇಂದು ಜೀವನವೇ ಇಲ್ಲ ಅನ್ನುವ ಹಂತಕ್ಕೆ ಬಂದಿದ್ದೇವೆ. ಅದರೊಂದಿಗೆ ಇಂದು ಮೊಬೈಲ್ ಇದ್ದು, ನೆಟ್ವರ್ಕ್, ಇಂಟರ್ನೆಟ್(Internet) ಕೂಡ ಇದ್ದರೆ ನಾವು ಎಲ್ಲಾ ರೀತಿಯ ಫೆಸಿಲಿಟಿ ಹೊಂದಿದಂತೆ ಎಂದು ಜನ ಭಾವಿಸಿದಂತಿದೆ. ಇಂದು ಕೆಲವು ಕಾಡು ಪ್ರದೇಶಗಳನ್ನು ಬಿಟ್ಟರೆ ಸಾಮಾನ್ಯವಾಗಿ ಎಲ್ಲೆಡೆ ಇಂಟರ್ನೆಟ್ ಸಿಗುತ್ತೆ. ಆದರೆ ಒಮ್ಮೊಮ್ಮೆ ನಾವು ಮನೊಯಳಗೆ ಬಂದ ತಕ್ಷಣ ನೆಟ್ವರ್ಕ್ ಕೈ ಕೊಟ್ಟುಬಿಡುತ್ತದೆ. ಇದು ಹಲವರಿಗೆ ಅನುಭವ ಆಗಿದೆ.
ನೀವು ಮನೆಗೆ ಪ್ರವೇಶಿಸಿದ ತಕ್ಷಣ ನಿಮ್ಮ ಫೋನ್ ನೆಟ್ವರ್ಕ್(Network) ಕಡಿತಗೊಂಡು ಒಮ್ಮೊಮ್ಮೆ ಬಹಳಷ್ಟು ತೊಂದರೆಗಳನ್ನು ಅನುಭವಿಸಿದ್ದೂ ಉಂಟು ಅಲ್ವಾ? ಏನೋ ಅರ್ಜೆಂಟ್ ಇದ್ದಾಗ ಹೀಗಾಗಿರಲಕ್ಕೂ ಸಾಕು. ಆದರೆ ನೀವು ಕೆಲವು ಸುಲಭವಾದ ಸಲಹೆಗಳನ್ನು ಅನುಸರಿಸಿದರೆ ನೀವು ಎಂದಿಗೂ ಈ ಸಮಸ್ಯೆಗಳನ್ನು ಎದುರಿಸಬೇಕಾಗಿಲ್ಲ.
ಹೌದು, ನೀವು ಮನೆಗೆ ಪ್ರವೇಶಿಸಿದ ತಕ್ಷಣ ನಿಮ್ಮ ನೆಟ್ವರ್ಕ್ ಔಟ್ ಆಗಿದ್ದರೆ ಮೊದಲು ನಿಮ್ಮ ಫೋನ್ ಅನ್ನು ಸ್ವಲ್ಪ ಸಮಯದವರೆಗೆ ಫ್ಲೈಟ್ ಮೋಡ್ನಲ್ಲಿ ಇರಿಸಿ ಮತ್ತು ಅದನ್ನು ತೆಗೆದುಹಾಕಿ. ಹೀಗೆ ಮಾಡುವುದರಿಂದ ನೆಟ್ವರ್ಕ್ ಆಗಾಗ್ಗೆ ಅದರ ಹಿಂದಿನ ಸ್ಥಿತಿಗೆ ಮರಳುತ್ತದೆ. ಅಲ್ಲದೆ ಮನೆಗೆ ಬಂದ ತಕ್ಷಣ ನೆಟ್ವರ್ಕ್ ಔಟ್ ಆಗಿದ್ದರೆ ಮನೆಯ ಎಲ್ಲಾ ಕಿಟಕಿಗಳು ಮತ್ತು ಬಾಗಿಲುಗಳನ್ನು ಮುಚ್ಚಲಾಗಿದೆಯೇ ಎಂದು ಪರಿಶೀಲಿಸಿ. ಕೆಲವೊಮ್ಮೆ ಈ ಕಾರಣದಿಂದಲೂ ಫೋನ್ ನೆಟ್ವರ್ಕ್ ಹೊಂದಿಲ್ಲದಾಗುತ್ತೆ.
* ನಿಮ್ಮ ಸಿಮ್ ಕಾರ್ಡ್ ಪರಿಶೀಲಿಸಿ
ಇದರೊಂದಿಗೆ ನಿಮ್ಮ ಸಿಮ್ ಕಾರ್ಡ್ ಅನ್ನು ಸಹ ನೀವು ಪರಿಶೀಲಿಸಬೇಕು. ಸಿಮ್ ಕಾರ್ಡ್ ಹಳೆಯದು ಅಥವಾ ದೋಷಪೂರಿತವಾಗಿರುವುದರಿಂದ ನೆಟ್ವರ್ಕ್ನಲ್ಲಿ ಸಾಮಾನ್ಯವಾಗಿ ಸಮಸ್ಯೆಗಳು ಉಂಟಾಗುತ್ತವೆ. ನಿಮ್ಮ ಪ್ರದೇಶದಲ್ಲಿ ಮೊಬೈಲ್ ನೆಟ್ವರ್ಕ್ ಸಾಮಾನ್ಯವಾಗಿ ಕಳಪೆಯಾಗಿದ್ದರೆ ನೀವು ವೈ-ಫೈ ಕರೆ ಮಾಡಲು ಸಹ ಪ್ರಯತ್ನಿಸಬಹುದು. ಸಾಮಾನ್ಯ ಕರೆಗಳಿಗೆ ಹೋಲಿಸಿದರೆ ವೈ-ಫೈ ಕರೆಯು ದುರ್ಬಲ ನೆಟ್ವರ್ಕ್ಗಳಲ್ಲಿಯೂ ಸಹ ನಿಮಗೆ ಉತ್ತಮ ಕರೆ ಸೇವೆಯನ್ನು ನೀಡುತ್ತದೆ.
* ವೈ-ಫೈ ಮತ್ತು ಸಿಗ್ನಲ್ Network ಪರಿಶೀಲಿಸಿ
ನಿಮ್ಮ ಫೋನ್ನಲ್ಲಿ ನೀವು ನೆಟ್ವರ್ಕ್ ಸಮಸ್ಯೆಯನ್ನು ಎದುರಿಸುತ್ತಿದ್ದರೆ ಮೊದಲು ನೀವು ನಿಮ್ಮ ಫೋನ್ನ ನೆಟ್ವರ್ಕ್ ಸೆಟ್ಟಿಂಗ್ಗಳು ಮತ್ತು ವೈ-ಫೈ ಸಂಪರ್ಕವನ್ನು ಪರಿಶೀಲಿಸಬೇಕು. ಅಲ್ಲದೆ ನಿಮ್ಮ ಫೋನ್ನ ಹಳೆಯ ಸಾಫ್ಟ್ವೇರ್ನಿಂದಾಗಿ ನಿಮ್ಮ ಮೊಬೈಲ್ನಲ್ಲಿ ಅನೇಕ ಬಾರಿ ನೆಟ್ವರ್ಕ್ ಸಮಸ್ಯೆ ಉಂಟಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ನೀವು ಕಾಲಕಾಲಕ್ಕೆ ನಿಮ್ಮ ಫೋನ್ನ ಎಲ್ಲಾ ಪ್ರಮುಖ ಸಾಫ್ಟ್ವೇರ್ಗಳನ್ನು ನವೀಕರಿಸಬೇಕು.
