Water: ಹಿಂದೆಲ್ಲ ಕುಡಿಯುವ ನೀರಿಗೆ ಬಾವಿ, ನದಿ, ಕೆರೆ, ತೊರೆಗಳೇ ಆಸರೆ. ಇವೆಲ್ಲದರ ನೀರು ಅಮೃತಕ್ಕೆ ಸಮ ಎನ್ನಲಾಗುತ್ತಿತ್ತು. ನಂತರ ಕೆಲವೆಡೆ ಬೋರ್ ವೆಲ್ ಗಳೂ ಬೆಳಕಿಗೆ ಬಂದವು. ನಂತರ ಪ್ಲಾಸ್ಟಿಕ್ ಬಾಟೆಲಿಯ ನೀರು(Water) ಅಸ್ತಿತ್ವ ಪಡೆದವು. ಇದೀಗ ಇವುಗಳೆಲ್ಲದರ ಸ್ಥಾನವನ್ನು ಫಿಲ್ಟರ್ ನೀರು ಆವರಿಸಿಕೊಂಡಿದೆ. ಆದರೂ ಜನ ಪ್ಲಾಸ್ಟಿಕ್ ಬಾಟೆಲ್ ಮೊರೆ ಹೋಗವುದನ್ನು ಮಾತ್ರ ಬಿಡಲೊಲ್ಲರು. ಆದರೆ ಇದನ್ನೇ ನೀವು ಹೆಚ್ಚಾಗಿ ಬಳಸಿದರೆ ನಿಮಗೆ ಮಕ್ಕಳಾಗದ ಸಮಸ್ಯೆ ಎದುರಾಗಹುದು ಹುಷಾರ್!
ಹೌದು, ಸಂಶೋಧನೆಯೊಂದು ಹೆಚ್ಚಾಗಿ ಪ್ಲಾಸ್ಟಿಕ್ ಬಾಟಲಿ ನೀರು(Bottel Water) ಸೇವಿಸಿದರೆ ಮಕ್ಕಳಾಗುವುದಿಲ್ಲ ಎಂದು ಹೇಳಿದೆ. ಪ್ಲಾಸ್ಟಿಕ್ ನೀರಿನ ಬಾಟಲಿಯು ಶಾಖಕ್ಕೆ ಒಡ್ಡಿಕೊಂಡಾಗ, ಅದು ಮೈಕ್ರೋಪ್ಲಾಸ್ಟಿಕ್ ಅನ್ನು ನೀರಿನಲ್ಲಿ ಬಿಡುಗಡೆ ಮಾಡಲು ಪ್ರಾರಂಭಿಸುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಈ ಸೂಕ್ಷ್ಮ ಪ್ಲಾಸ್ಟಿಕ್ ಕಣಗಳು ದೇಹದಲ್ಲಿ ವಿವಿಧ ಸಮಸ್ಯೆಗಳಿಗೆ ಕಾರಣವಾಗಬಹುದು.
ಇದು ಮಹಿಳೆಯರಲ್ಲೆ ಹೆಚ್ಚಿನ ಹಾರ್ಮೋನ್ ಅಸಮತೋಲನ, ಬಂಜೆತನ, ಯಕೃತ್ತಿನ ಸಂಬಂಧಿತ ಕಾಯಿಲೆಗಳ ಅಪಾಯವನ್ನ ಹೆಚ್ಚಿಸುತ್ತದೆ. ನೀವು ಅದೇ ನೀರಿನ ಬಾಟಲಿಯನ್ನು ದೀರ್ಘಕಾಲದವರೆಗೆ ಬಳಸಿದರೆ, ಇದು ಬಹು ಹಾರ್ಮೋನ್ ಅಸ್ವಸ್ಥತೆಗಳಂತಹ ಗಂಭೀರ ಸಮಸ್ಯೆಗಳನ್ನ ಉಂಟುಮಾಡಬಹುದು. ಜೊತೆಗೆ ಪ್ಲಾಸ್ಟಿಕ್ ಬಾಟಲಿಗಳನ್ನು ದೀರ್ಘಕಾಲ ಬಳಸಿದರೆ ಪುರುಷರಲ್ಲಿ ವೀರ್ಯ ಕೋಶಗಳ ಸಂಖ್ಯೆ ಕಡಿಮೆಯಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ.
ಬಾಟಲ್ ನೀರಿನ ಸೇವನೆಯು ಯಕೃತ್ತು ಮತ್ತು ಸ್ತನ ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಅದೇ ಸಮಯದಲ್ಲಿ, ಹುಡುಗಿಯರು ಮೊದಲೇ ಪ್ರೌಢಾವಸ್ಥೆಯನ್ನ ತಲುಪುವ ಸಾಧ್ಯತೆಯಿದೆ. ಅಸ್ತಮಾದಂತಹ ಉಸಿರಾಟ ಸಂಬಂಧಿ ಕಾಯಿಲೆಗಳಿದ್ದರೆ ಈ ನೀರಿನ ಬಾಟಲಿಯನ್ನು ಯಾರೊಂದಿಗೂ ಬಳಸಬಾರದು ಎನ್ನುತ್ತಾರೆ ತಜ್ಞರು.
