Dinga Dinga Disease: ಕೊರೋನಾ ಬಳಿಕ ಇದೀಗ ಹೊಸ ಕಾಯಿಲೆಯೊಂದು ರೂಪಗೊಂಡಿದ್ದು ಇದನ್ನು ‘ಡಿಂಗಾ ಡಿಂಗಾ’ ಕಾಯಿಲೆ(Dinga Dinga disease) ಎಂದು ಗುರುತಿಸಲಾಗಿದೆ ಎಂದು ವರದಿಗಳು ಹೇಳಿವೆ. ಮುಖ್ಯವಾಗಿ ಮಹಿಳೆಯರೇ ಈ ಕಾಯಿಲೆಯ ಟಾರ್ಗೆಟ್ ಎಂಬುದು ವಿಶೇಷ ಸಂಗತಿ.
ಹೌದು ಈಗ ಹೊಸದಾಗಿ ಪತ್ತೆಯಾಗಿರುವ ಕಾಯಿಲೆಯನ್ನು ಡಿಂಗಾ ಡಿಂಗಾ ಎಂದು ಗುರುತಿಸಲಾಗಿದೆ. ಆದ್ರೆ ಸಧ್ಯ ಈ ವಿಚಾರವಾಗಿ ಯಾರು ಭಯ ಪಡುವ ಅಗತ್ಯ ಇಲ್ಲ. ಏಕೆಂದ್ರೆ ಈ ಕಾಯಿಲೆ ಕಾಣಿಸಿಕೊಂಡಿದ್ದು ಆಫ್ರಿಕಾದಲ್ಲಿ. ಯಸ್, ಆಫ್ರಿಕಾ(Africa)ದಲ್ಲಿ ಹೊಸ ರೋಗ ಹೊರಹೊಮ್ಮಿದೆ. ಈ ರೋಗವು ಆಫ್ರಿಕಾದ ದೇಶ ಉಗಾಂಡಾದಲ್ಲಿ ಅನೇಕ ಜನರನ್ನು ಆವರಿಸಿದೆ. ಸುದ್ದಿಯ ಪ್ರಕಾರ, ಉಗಾಂಡಾದಲ್ಲಿ 300 ಕ್ಕೂ ಹೆಚ್ಚು ಜನರು ಈ ರೋಗದಿಂದ ಬಳಲುತ್ತಿದ್ದಾರೆ. ಉಗಾಂಡಾದ ಹೆಚ್ಚಿನ ಮಹಿಳೆಯರು ಮತ್ತು ಹುಡುಗಿಯರು ಈ ರೋಗಕ್ಕೆ ಬಲಿಯಾಗುತ್ತಿದ್ದಾರೆ.
ರೋಗ ಲಕ್ಷಣಗಳೇನು?
ರೋಗಿಗೆ ಜ್ವರ ಬಂದು ಆತ ನಡುಗಲು ಪ್ರಾರಂಭಿಸುತ್ತಾನೆ. ರೋಗಿಯ ದೇಹವು ತುಂಬಾ ವೇಗವಾಗಿ ನಡುಗುತ್ತದೆ, ಇದರಿಂದ ರೋಗಿಗೆ ನಡೆಯಲು ಕಷ್ಟವಾಗುತ್ತದೆ. ಅಂದಹಾಗೆ ವೈದ್ಯರು ಸಹ ರೋಗವನ್ನು ನಿರ್ಮೂಲನೆ ಮಾಡಲು ಸತತವಾಗಿ ಪ್ರಯತ್ನಿಸುತ್ತಿದ್ದಾರೆ.
ಇನ್ನು ವೈದ್ಯರು ಡಿಂಗಾ ಡಿಂಗಾವನ್ನು ತೊಡೆದುಹಾಕಲು ಪ್ರತಿಜೀವಕಗಳ ಸಹಾಯವನ್ನು ತೆಗೆದುಕೊಳ್ಳುತ್ತಿದ್ದಾರೆ. ಡಿಂಗಾ ಡಿಂಗಾ ರೋಗವು ಉಗಾಂಡಾದ ಬುಂಡಿಬಾಗ್ಯೊದಲ್ಲಿ ಮಾತ್ರ ಹರಡುತ್ತದೆ. ಆಸುಪಾಸಿನಲ್ಲಿ ರೋಗದ ಯಾವುದೇ ಪುರಾವೆಗಳಿಲ್ಲ. ವರದಿಗಳ ಪ್ರಕಾರ, ಡಿಂಗಾ ಡಿಂಗಾದಿಂದ ಬಳಲುತ್ತಿರುವ ರೋಗಿಗಳು 1 ವಾರದಲ್ಲಿ ಚೇತರಿಸಿಕೊಳ್ಳುತ್ತಾರೆ. ಈ ರೋಗವು ಜನರಲ್ಲಿ ಭಯವನ್ನು ಸೃಷ್ಟಿಸಲು ಪ್ರಾರಂಭಿಸಿದೆ.
