Diwali Clay Lamps: ಕೆಲವೇ ದಿನದಲ್ಲಿ ದೀಪಾವಳಿ ಹಬ್ಬ (diwali 2025) ಮೆರುಗು ಪಡೆಯಲಿದೆ. ಸಾಮಾನ್ಯವಾಗಿ ದೀಪಾವಳಿಗೆ ಮಣ್ಣಿನ ದೀಪಗಳಲ್ಲಿ ದೀಪ ಬೆಳಗುವುದು ವಾಡಿಕೆ. ಆದ್ರೆ ಹಿಂದಿನ ವರ್ಷದ ಹಬ್ಬಕ್ಕೆ ಬಳಸಿದ ಹಳೆಯ ಮಣ್ಣಿನ ದೀಪಗಳನ್ನು (Diwali Clay Lamps) ಮತ್ತೆ ಬೆಳಗಿಸುವುದು ಶುಭವೇ ಎಂಬುದರ ಬಗ್ಗೆ ಮಾಹಿತಿ ಇಲ್ಲಿದೆ.
ದೀಪಾವಳಿಯಂದು ಹಳೆಯ ಮಣ್ಣಿನ ದೀಪಗಳನ್ನು ಮತ್ತೆ ಬಳಸಬಹುದೇ?
ಮಣ್ಣಿನ ದೀಪಗಳನ್ನು ಸಾಮಾನ್ಯವಾಗಿ ಒಮ್ಮೆ ಮಾತ್ರ ಬಳಸುವುದು ಶುಭ. ಮಣ್ಣಿನ ದೀಪಗಳನ್ನು ಮರುಬಳಕೆ ಮಾಡುವುದು ಶುಭವಲ್ಲ ಎಂದು ಹೇಳಲಾಗುತ್ತದೆ. ಪೂಜೆಯಲ್ಲಿ ಬಳಸುವ ಮಣ್ಣಿನ ದೀಪಗಳು ನಕಾರಾತ್ಮಕ ಶಕ್ತಿಯನ್ನು ಹೀರಿಕೊಳ್ಳುತ್ತವೆ ಎಂದು ನಂಬಲಾಗಿದೆ, ಆದ್ದರಿಂದ ಅವುಗಳನ್ನು ಮರುಬಳಕೆ ಮಾಡಬಾರದು.
ಆದ್ರೆ ನಿಮ್ಮ ಪೂಜಾ ಕೊಠಡಿ ಅಥವಾ ಮನೆಯಲ್ಲಿ ಹಿತ್ತಾಳೆ, ಬೆಳ್ಳಿ ಅಥವಾ ಇತರ ಲೋಹದ ದೀಪಗಳನ್ನು ಬಳಸಿದರೆ, ಅವುಗಳನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಿ ಬೆಂಕಿಯಿಂದ ಪುನಃ ಶುದ್ಧೀಕರಿಸಿದ ನಂತರ ಮರುಬಳಕೆ ಮಾಡಬಹುದು. ಅವುಗಳನ್ನು ಪುನಃ ಬೆಳಗಿಸುವುದು ಶುಭವೆಂದು ಪರಿಗಣಿಸಲಾಗುತ್ತದೆ.
ಮುರಿದ ದೀಪ ಬಳಸಬೇಡಿ:
ದೀಪಾವಳಿಯಾಗಿರಲಿ ಅಥವಾ ಯಾವುದೇ ಇತರ ಹಬ್ಬವಾಗಿರಲಿ, ಒಡೆದ ದೀಪವನ್ನು ಬೆಳಗಿಸುವುದು ಶುಭವಲ್ಲ. ಇದು ಆರ್ಥಿಕ ನಷ್ಟ ಮತ್ತು ನಕಾರಾತ್ಮಕತೆ ಕಾರಣವಾಗುತ್ತದೆ.
ಹಳೆಯ ಮಣ್ಣಿನ ದೀಪಗಳನ್ನು ಏನು ಮಾಡಬೇಕು?
ದೀಪಾವಳಿ ಪೂಜೆಯ ನಂತರ, ಮಣ್ಣಿನ ದೀಪಗಳನ್ನು ಪವಿತ್ರ ನದಿಯಲ್ಲಿ ಬಿಡಿ ಅಥವಾ ಪವಿತ್ರ ಮರದ ಕೆಳಗೆ (ಅರಳಿ ಅಥವಾ ತುಳಸಿ) ಇರಿಸಿ.
