Kitchen tips: ಅಡುಗೆಮನೆ ಸ್ವಚ್ಛ ಆಗಿದ್ರೆ ಒಂದು ತುತ್ತು ಊಟ ಹೆಚ್ಚು ಸೇರುತ್ತೆ. ಆದ್ರೆ ಸಿಂಕ್ ದುರ್ವಾಸನೆ ಬರುತ್ತಿದೆ ಅಂದ್ರೆ ಅಡುಗೆ ಮನೆಯಲ್ಲಿ ಮೂಡ್ ಓಫ್ ಆಗುತ್ತೆ. ಅದಕ್ಕಾಗಿ ಸಿಂಕ್ನ ದುರ್ವಾಸನೆ ಮತ್ತು ಬ್ಲಾಕೇಜ್ಗೆ ಸುಲಭ ಪರಿಹಾರವನ್ನು (Kitchen tips) ಇಲ್ಲಿ ತಿಳಿಸಲಾಗಿದೆ.
ಕೆಲವರು ತಿನ್ನುವಾಗ ತಟ್ಟೆಯಲ್ಲಿ ಉಳಿದ ತುಣುಕುಗಳನ್ನು ಸಿಂಕ್ನಲ್ಲಿ ಹಾಕುವುದನ್ನು ರೂಢಿಸಿಕೊಂಡಿದ್ದಾರೆ. ಇದರಿಂದ ಕ್ರಮೇಣ ಸಿಂಕ್ ಪೈಪ್ನಲ್ಲಿ ಬ್ಲಾಕೇಜ್ ಉಂಟಾಗುತ್ತದೆ. ಮತ್ತು ನಿರಂತರವಾಗಿ ಸ್ವಚ್ಛಗೊಳಿಸದಿದ್ದರೆ, ದುರ್ವಾಸನೆ ಬರಲು ಪ್ರಾರಂಭವಾಗುತ್ತದೆ.
“ನಿಮ್ಮ ಸಿಂಕ್ ದುರ್ವಾಸನೆ ಬರುತ್ತಿದೆ ಮತ್ತು ಹಲವು ದಿನಗಳಿಂದ ನೀರು ಸರಿಯಾಗಿ ಹೊರಗೆ ಹೋಗುತ್ತಿಲ್ಲ; ನೀರು ಹೊರಗೆ ಹೋಗುವ ರಂಧ್ರಗಳು ಸಂಪೂರ್ಣವಾಗಿ ಮುಚ್ಚಿಹೋಗಿ, ನೀರಿನಿಂದ ತುಂಬಲು ಪ್ರಾರಂಭವಾಗುತ್ತಿದೆ. ಈ ಸಮಸ್ಯೆಯಿಂದ ಮುಕ್ತಿ ಪಡೆಯಲು ನೀವು ಪ್ಲಂಬರ್ ಅನ್ನು ಕರೆಯಬೇಕಾಗಿಲ್ಲ. ಕೆಲವು ವಸ್ತುಗಳ ಸಹಾಯದಿಂದ ಈ ಸಮಸ್ಯೆಯನ್ನು ನೀವೇ ಪರಿಹರಿಸಬಹುದು” ಎಂದು ಮಾಸ್ಟರ್ ಶೆಫ್ ಪಂಕಜ್ ಭದೌರಿಯಾ ತಮ್ಮ ಇನ್ಸ್ಟಾ ಪೋಸ್ಟ್ನಲ್ಲಿ ಹೇಳಿದ್ದಾರೆ.
ಕಾಲು ಕಪ್ ಅಡಿಗೆ ಸೋಡಾ ತೆಗೆದುಕೊಳ್ಳಿ. ಕಾಲು ಕಪ್ ನಿಂಬೆ ರಸ ಮತ್ತು ಅರ್ಧ ಕಪ್ ಬಿಳಿ ವಿನೆಗರ್ ಮತ್ತು ಒಂದು ಜಗ್ ಬಿಸಿ ನೀರು. ಈ ನಾಲ್ಕು ವಸ್ತುಗಳನ್ನು ಬಳಸಿದರೆ, ನಿಮ್ಮ ಸಿಂಕ್ನಲ್ಲಿರುವ ಬ್ಲಾಕೇಜ್ ಅನ್ನು ತೆಗೆದುಹಾಕುವುದು ಮತ್ತು ದುರ್ವಾಸನೆಯೂ ಹೋಗಲಾಡಿಸುತ್ತದೆ.
ಮೊದಲು ಅಡಿಗೆ ಸೋಡಾವನ್ನು ಸಿಂಕ್ನಲ್ಲಿ ಹಾಕಿ. ನಂತರ ಅದರ ಮೇಲೆ ನಿಂಬೆ ರಸ ಸೇರಿಸಿ. ಹೀಗೆ 15 ನಿಮಿಷಗಳ ಕಾಲ ಮಾಡಿ. ಈಗ ಅದರಲ್ಲಿ ವಿನೆಗರ್ ಸೇರಿಸಿ. ಈಗ ಅದರ ಮೇಲೆ ಒಂದು ಜಗ್ ಬಿಸಿನೀರನ್ನು ಸುರಿದು ತೊಳೆಯಿರಿ. ಈ ರೀತಿ ಮಾಡುವುದರಿಂದ ಬ್ಲಾಕೇಜ್ ಸಮಸ್ಯೆ ನಿವಾರಣೆಯಾಗುವುದು ಮಾತ್ರವಲ್ಲ, ಸಿಂಕ್ನಿಂದ ಬರುವ ದುರ್ವಾಸನೆಯೂ ಹೋಗಲಾಡಿಸುತ್ತದೆ. ಈ ಸುಲಭ ವಿಧಾನವನ್ನು ಪ್ರಯತ್ನಿಸಿ. ಸಿಂಕ್ ಸ್ವಚ್ಛಗೊಳಿಸಲು ನಿಮಗೆ ಪ್ಲಂಬರ್ ಅಗತ್ಯವಿಲ್ಲ.
ಅಡುಗೆಮನೆ ಸಿಂಕ್ ಮುಚ್ಚಿಹೋಗುವುದು ಮತ್ತು ದುರ್ವಾಸನೆ ಬರುವುದನ್ನು ತಪ್ಪಿಸಲು, ಉಳಿದ ಆಹಾರವನ್ನು ಸಿಂಕ್ನಲ್ಲಿ ಹಾಕದೆ, ಕಸದ ಬುಟ್ಟಿಯಲ್ಲಿ ಹಾಕುವುದು ಒಳ್ಳೆಯದು. ಸಿಂಕ್ ಪೈಪ್ ಅನ್ನು ತಿಂಗಳಿಗೊಮ್ಮೆಯಾದರೂ ಬದಲಾಯಿಸಬಹುದು.
