English Speaking: ಸಣ್ಣ ಪುಟ್ಟ ಹೊಸ ಬದ ಬಳಕೆಯ ಮೂಲಕ ನಮ್ಮ ದಿನನಿತ್ಯದ ಬಟ್ಲರ್ ಇಂಗ್ಲಿಷ್ ಅನ್ನು ಬೆಟರ್ ಮಾಡಿಕೊಳ್ಳಬಹುದು. ಪ್ರತಿದಿನ. ಹೊಸಕನ್ನಡದಲ್ಲಿ ಸ್ಪೋಕನ್ ಇಂಗ್ಲಿಷ್ ಬಗೆಗಿನ ಲೇಖನ ಪ್ರಕಟವಾಗಲಿದೆ. ಇವತ್ತಿನ ವಿಷಯ: ನೆವರ್ ಸೇ ಡೈ ಅಂದ್ರೆ ಏನು, ಈ ಪದ ಪ್ರಯೋಗ ಮಾಡೋದು ಹೇಗೆ ಎಂದು ತಿಳಿಯೋಣ.
ನೆವರ್ ಸೇ ಡೈ (Never Say Die) ಎಂಬ ಒಂದು ಇಂಗ್ಲಿಷ್ ಭಾಷಾ ಪ್ರಯೋಗವಿದೆ.”ಎಂದಿಗೂ ಸಾಯಬೇಡ” ಎಂಬ ಅರ್ಥದ ಈ ಹೇಳಿಕೆಯು ಒಂದು ಭಾಷಾ ವೈಶಿಷ್ಟ್ಯವಾಗಿದ್ದು ಅದು ‘ಪ್ರತಿರೋಧ ತೋರಿ’ ಅಥವಾ ‘ಎಂದಿಗೂ ಸೋಲೊಪ್ಪಿಕೊಳ್ಳಬೇಡಿ’ ಎನ್ನುವುದನ್ನು ಸೂಚಿಸುವ ಪದವಾಗಿದೆ. (English speaking)
ಸವಾಲಿನ, ಹತಾಶ ಸಂದರ್ಭಗಳಲ್ಲಿಯೂ ಸಹ ಸೋಲನ್ನು ಒಪ್ಪಿಕೊಳ್ಳಲು ಅಥವಾ ಭರವಸೆ ಕಳೆದುಕೊಳ್ಳಲು ನಿರಾಕರಣೆ ಮಾಡುವುದನ್ನು ನೆವರ್ ಸೇ ಡೈ ಎಂಬ ನುಡಿಗಟ್ಟು ಸೂಚಿಸುತ್ತದೆ. ಪರಿಶ್ರಮ (Effort), ಸ್ಥಿತಿಸ್ಥಾಪಕತ್ವ(Flexibility) ಮತ್ತು ಪ್ರತಿಕೂಲತೆಯ ಮುಖಾಂತರ ಹೋರಾಡುವ ಮನೋಭಾವವನ್ನು ಪ್ರೋತ್ಸಾಹಿಸುತ್ತದೆ. ಹಿನ್ನಡೆಗಳು ಅಥವಾ ವೈಫಲ್ಯಗಳನ್ನು ಎದುರಿಸಿದಾಗಲೂ ಒಬ್ಬರು ಆಶಾವಾದಿಯಾಗಿ ಉಳಿಯಬೇಕು ಮತ್ತು ಪ್ರಯತ್ನಿಸುತ್ತಲೇ ಇರಬೇಕೆಂದು ಇದು ಸೂಚಿಸುತ್ತದೆ.
‘ನೆವರ್ ಸೇ ಡೈ’ ಎಂಬ ಪದಗುಚ್ಛವು ಮೂಲತಃ ಶೇಕ್ಸ್ಪಿಯರ್ನ ಮರ್ಚೆಂಟ್ ಆಫ್ ವೆನಿಸ್ ಅನ್ನು ಆಧರಿಸಿದ ಹತ್ತೊಂಬತ್ತನೇ ಶತಮಾನದ ಕವಿತೆಯಿಂದ ಬಂದಿದೆ ಎಂದು ನಂಬಲಾಗಿದೆ. ಕೆಲವು ಮೂಲಗಳ ಪ್ರಕಾರ ಈ ಪದಗಳು ಹತ್ತೊಂಬತ್ತನೇ ಶತಮಾನದ ಮಧ್ಯಭಾಗದಲ್ಲಿ ಚಾಲ್ತಿಗೆ ಬಂತು ಎನ್ನಲಾಗಿದೆ. ಚಾರ್ಲ್ಸ್ ಡಿಕನ್ಸ್ ಇದನ್ನು 1837 ರಲ್ಲಿ ಪಿಕ್ವಿಕ್ ಪೇಪರ್ಸ್ನಲ್ಲಿ ಬಳಸಿದರು. “ನಿಮ್ಮ ಅದೃಷ್ಟ ನಂಬಿ ಎಂದಿಗೂ ಸಾಯಬೇಡಿ” ಎಂಬ ಅರ್ಥದಲ್ಲಿ ಅದನ್ನು ಬಳಸಲಾಯಿತು. ಅವರ ನಂತರ ಹಲವಾರು ಬರಹಗಾರರು ನೆವರ್ ಸೇ ಡೈ ಎಂಬ ಪದ ಪ್ರಯೋಗವನ್ನು ಮಾಡಿದರು. ಅದು ಇಂದಿಗೂ ಚಾಲ್ತಿಯಲ್ಲಿದೆ.
ನೆವರ್ ಸೇ ಡೈ ಎಂಬ ಪದ ಪ್ರಯೋಗ ಬಳಸುವುದು ಹೇಗೆ ?
1) The team India’s never-say-die attitude carried them to world cup ( ಭಾವಾರ್ಥ: ಟೀಮ್ ಇಂಡಿಯಾದ ಎಲ್ಲಪ್ಪಿ ಕೊಳ್ಳದ ಮನಸ್ಥಿತಿ ಅದನ್ನು ವರ್ಲ್ಡ್ ಕಪ್ ತನಕ ಒಯ್ದಿದೆ)
2) Never Say Die man, ultimately you are going to win (ಸೋಲೊಪ್ಪಿಕೊಳ್ಳಬೇಡ, ಕೊನೆಗೂ ಜಯ ನಿನ್ನದೇ ಅನ್ನುವುದು ಭಾವಾರ್ಥ.(ಜಯ ನಿನ್ನದೇ ಇರುತ್ತೆ)). ನಾಳೆ ಮತ್ತೂಂದು ವಿಶೇಷ ಇಂಗ್ಲಿಷ್ ಕಲಿಕೆ ನಿಮ್ಮ ಪಾಲಾಗಲಿದೆ.
