2
ದೇಶಾದ್ಯಂತ ಕೇಂದ್ರ ಸರಕಾರದಿಂದ ನಿಷೇಧಗೊಂಡಿರುವ ಪಿಎಫ್ ಐ ಸಂಘಟನೆಯ ಕೆಲವೊಂದು ವಿಷಯಗಳು ದಿನದಿಂದ ದಿನಕ್ಕೆ ಹೊರಗೆ ಬರುತ್ತಿದೆ. ಕೆಲ ದಿನಗಳ ಹಿಂದೆ ಕೇಂದ್ರ ಸರ್ಕಾರ ಪ್ಯಾಪುಲರ್ ಫ್ರಂಟ್ ಆಫ್ ಇಂಡಿಯಾ ( PFI) ಸಂಘಟನೆಯನ್ನು ನಿಷೇಧ ಮಾಡಿದ ಬೆನ್ನಲ್ಲೇ ಪಿಎಫ್ ಐನ ಸ್ಪೋಟಕ ಸಂಗತಿಗಳು ಬಯಲಾಗುತ್ತಿವೆ.
ಈಗ ಮತ್ತೊಂದು ಸ್ಫೋಟಕ ಮಾಹಿತಿ ಬಹಿರಂಗಗೊಂಡಿದ್ದು, ದೇಶಾದ್ಯಂತ ಹಿಡಿತ ಸಾಧಿಸಲು ಪಿಎಫ್ ಐ ಧರ್ಮಗುರುಗಳ ಮೂಲಕ ಮದರಸಗಳಲ್ಲೂ ಹಿಡಿತಕ್ಕೆ ಯತ್ನಿಸಿದ್ದರು ಎಂಬ ಭಯಾನಕ ಸತ್ಯ ಬಯಲಾಗಿದೆ. ಅದರಂತೆ ಮದರಸಗಳನ್ನು ಮೊದಲು ಹಿಡಿತಕ್ಕೆ ಪಡೆದು ಮಕ್ಕಳಲ್ಲಿ ಪಿಎಫ್ ಐ ಸಿದ್ಧಾಂತ ಬೋಧನೆಗೆ ಸಿದ್ಧತೆ ನಡೆಸಿದ್ದರು ಎನ್ನಲಾಗಿದೆ.
ಈ ಘಟನೆಯ ಸಂಬಂಧ ಪಿಎಫ್ ಐ ಕೇರಳ ಹಾಗೂ ದಕ್ಷಿಣ ಕನ್ನಡ ಜಿಲ್ಲೆಗಳ ಮದರಸಗಳಲ್ಲಿ ಧರ್ಮಗುರುಗಳ ಮೂಲಕ ಮದರಸಗಳನ್ನು ಸಂಪೂರ್ಣವಾಗಿ ಅಧೀನಕ್ಕೆ ಪಡೆದಿದ್ದು, ಅಷ್ಟು ಮಾತ್ರವಲ್ಲದೇ, ಮದರಸಗಳ ಅಧೀನಕ್ಕೆ ವಿರೋಧ ಮಾಡುವ ಜಮಾತ್ ಗಳಿಗೆ ಬೆದರಿಕೆ ಹಾಕಿದ್ದರು ಎಂಬ ಘೋರ ಸತ್ಯ ಹೊರಗೆ ಬಂದಿದೆ ಎಂದು ಹೇಳಲಾಗುತ್ತಿದೆ.
