Brijbhushan Sharan Singh: ಭಾರತೀಯ ವ್ರೆಸ್ಲಿಂಗ್ ಫೆಡರೇಶನ್ (ಡಬ್ಲ್ಯುಎಫ್ಐ) ಅಧ್ಯಕ್ಷ ಮತ್ತು ಭಾರತೀಯ ಜನತಾ ಪಕ್ಷದ ಸಂಸದ ಬ್ರಿಜ್ ಭೂಷಣ್ ಶರಣ್ ಸಿಂಗ್ (Brijbhushan Sharan Singh) ವಿರುದ್ಧ ಚಾರ್ಜ್ ಶೀಟ್ ಹಾಕಲಾಗಿದ್ದು, ಬ್ರಿಜ್ ಭೂಷಣ್ ಸಿಂಗ್ ತನ್ನ ವೈದ್ಯಕೀಯ ವೆಚ್ಚವನ್ನು ಭರಿಸುವ ಬದಲು ಲೈಂಗಿಕ ಕ್ರಿಯೆ ನಡೆಸುವಂತೆ ಕೇಳಿದ್ದ ಎಂದು ಮಹಿಳಾ ಕುಸ್ತಿಪಟು ಆರೋಪಿಸಿದ್ದಾರೆ.
ಮಾಹಿತಿ ಪ್ರಕಾರ ಕುಸ್ತಿ ಸಂಬಂಧಿ ಗಾಯದ ಚಿಕಿತ್ಸೆಗಾಗಿ ಬ್ರಜ್ ಭೂಷಣ್ ಶರಣ್ ಸಿಂಗ್ ವೈದ್ಯಕೀಯ ವೆಚ್ಚವನ್ನು ಭರಿಸಲು ಒಪ್ಪಿಕೊಂಡಿದ್ದರು, ಆದರೆ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿಕೊಳ್ಳುವ ಷರತ್ತು ವಿಧಿಸಿದ್ದರು ಎಂದು ಮಹಿಳಾ ಕುಸ್ತಿಪಟು ಹೇಳಿಕೊಂಡಿದ್ದಾಳೆ ಆದರೆ, ಕುಸ್ತಿಪಟು ಈ ಷರತ್ತನ್ನು ಒಪ್ಪಿಕೊಳ್ಳಲು ನಿರಾಕರಿಸಿದರು ಎನ್ನಲಾಗಿದೆ. ಚಾರ್ಜ್ ಶೀಟ್ನಲ್ಲಿ “ಪಹ್ಲ್ವಾನ್ ನಂ. 6” ಎಂದು ಗುರುತಿಸಲಾಗಿರುವ ಇನ್ನೊಬ್ಬ ದೂರುದಾರ, ಪ್ರೋಟೀನ್ ಪೂರಕಗಳಿಗೆ ಪ್ರತಿಯಾಗಿ ಸಿಂಗ್ ಲೈಂಗಿಕತೆಯನ್ನು ಪ್ರಸ್ತಾಪಿಸಿದ್ದಾರೆ ಎಂದು ಆರೋಪಿಸಿದ್ದಾರೆ.
ಅದಲ್ಲದೆ ಸಿಂಗ್ ಮತ್ತು ಅವರ ಆಪ್ತ ಸಹಾಯಕರು ತಮ್ಮ ದೇಶೀಯ ಮತ್ತು ಅಂತರಾಷ್ಟ್ರೀಯ ಪ್ರವಾಸಗಳಲ್ಲಿ ತಮ್ಮ ಮೇಲೆ ವಿವಿಧ ರೀತಿಯಲ್ಲಿ ಲೈಂಗಿಕ ದೌರ್ಜನ್ಯ ನಡೆಸಿದ್ದಾರೆ ಎಂದು ದೂರುದಾರರು ತಮ್ಮ ಸಾಕ್ಷ್ಯದಲ್ಲಿ ತಿಳಿಸಿದ್ದಾರೆ. ಜೊತೆಗೆ, ಸಿಂಗ್ ಶೋಕಾಸ್ ನೋಟಿಸ್ ನೀಡುತ್ತಿದ್ದರು, ಬೆದರಿಕೆ ಹಾಕುತ್ತಿದ್ದರು ಮತ್ತು ಪಾಲಿಸುವಂತೆ ಒತ್ತಾಯಿಸುತ್ತಿದ್ದರು ಎಂದು ಅವರು ಹೇಳಿದ್ದಾರೆ.
ಮೇ 6, 2023 ರಂದು, ಎನ್ಪಿಎಲ್ ಕಿಂಗ್ಸ್ವೇ ಕ್ಯಾಂಪ್ನಲ್ಲಿ ತನಿಖೆಯ ಸಮಯದಲ್ಲಿ, ಡಬ್ಲ್ಯುಎಫ್ಐ ಕಚೇರಿ ಇರುವ ತನ್ನ ಅಧಿಕೃತ ನಿವಾಸದಲ್ಲಿ ಮಹಿಳಾ ಕುಸ್ತಿಪಟುಗಳನ್ನು ಏಕಾಂಗಿಯಾಗಿ ಭೇಟಿಯಾಗಲು ಸಿಂಗ್ ಕೇಳಿದ್ದರು, ಆದರೆ ಅವರು ಕಟ್ಟುನಿಟ್ಟಾಗಿ ನಿರಾಕರಿಸಿದ್ದರು ಎನ್ನಲಾಗಿದೆ.
ಇನ್ನು ರಾಷ್ಟ್ರೀಯ ತರಬೇತಿ ಶಿಬಿರಗಳಲ್ಲಿ ಯಾವುದೇ ಅನುಚಿತ ವರ್ತನೆ ನಡೆದಿಲ್ಲ ಎಂದು ದೂರುದಾರರು ಹೇಳಿದ್ದಾರೆ, ಇಡೀ ಪ್ರದೇಶವು ಸಿಸಿಟಿವಿ ಕ್ಯಾಮೆರಾಗಳಿಂದ ವ್ಯಾಪಕವಾದ ಕಣ್ಗಾವಲಿನಲ್ಲಿತ್ತು ಎನ್ನಲಾಗಿದೆ. ತಮ್ಮ ಸಾಕ್ಷ್ಯದಲ್ಲಿ, ಒಲಿಂಪಿಕ್ ಪದಕ ವಿಜೇತ ಎಂಸಿ ಮೇರಿ ಕೋಮ್ ನೇತೃತ್ವದ ಸರ್ಕಾರವು ನೇಮಿಸಿದ ಆರು ಸದಸ್ಯರ ತಪಾಸಣಾ ಸಮಿತಿಯು ನಡೆಸಿದ ತನಿಖೆಯ ನಿಷ್ಪಕ್ಷಪಾತದ ಬಗ್ಗೆ ಅವರು ಕಳವಳ ವ್ಯಕ್ತಪಡಿಸಿದ್ದರು.
ಕುಸ್ತಿಪಟುಗಳ ಪ್ರಕಾರ, ಸಮಿತಿಯ ಸದಸ್ಯರು ಸಿಂಗ್ ವಿರುದ್ಧದ ದೂರುಗಳನ್ನು ವಜಾಗೊಳಿಸಿದ್ದರು ಎನ್ನಲಾಗಿದೆ, ದೂರುದಾರರು ಸಿಂಗ್ ಅವರ ಮುಗ್ಧ ಸನ್ನೆಗಳು ಮತ್ತು ನಡವಳಿಕೆಯ ಹಿಂದಿನ ಉದ್ದೇಶವನ್ನು ತಪ್ಪಾಗಿ ಅರ್ಥೈಸಿಕೊಂಡಿದ್ದಾರೆ ಎಂದು ಆರೋಪಿಸಿದ್ದಾರೆ.
ಬ್ರಿಜ್ ಭೂಷಣ್ ಸಿಂಗ್ ಮಹಿಳಾ ಕುಸ್ತಿ ಪಟುವಿನ ಗಾಯದ ಚಿಕಿತ್ಸೆಗೆ ಹಣ ನೀಡುವುದಾಗಿ ಹೇಳಿದ್ದರು, ಆದರೆ ಆಕೆಯನ್ನು ಲೈಂಗಿಕ ಕ್ರಿಯೆಗಾಗಿ ಬಲವಂತಪಡಿಸಲಾಯಿತು ಎನ್ನಲಾಗಿದೆ. ಮತ್ತೊರ್ವ ಕುಸ್ತಿಪಟುವಿಗೆ ಪ್ರೊಟೀನ್ಗೆ ಬದಲಾಗಿ ಲೈಂಗಿಕ ಕ್ರಿಯೆ ನಡೆಸುವಂತೆ ಆತ ಕೇಳಿಕೊಂಡಿದ್ದ ಎನ್ನಲಾಗಿದೆ. ಪ್ರಕರಣದ ವಿಚಾರಣೆ ನಡೆಯುತ್ತಿರುವ ರೂಸ್ ಅವೆನ್ಯೂ ಜಿಲ್ಲಾ ನ್ಯಾಯಾಲಯದಲ್ಲಿ 1,600 ಪುಟಗಳ ಈ ಚಾರ್ಜ್ ಶೀಟ್ ಸಲ್ಲಿಕೆಯಾಗಿದೆ.
ಇದನ್ನು ಓದಿ: Daily Horoscope: ದೂರದ ಬಂಧುಗಳಿಂದ ದೊರೆಯುವ ಮಾಹಿತಿ ಖುಷಿ ಕೊಡುತ್ತೆ ಈ ರಾಶಿಯವರಿಗೆ!
