NPS New Rule: ರಾಷ್ಟ್ರೀಯ ಪಿಂಚಣಿ ನಿಧಿಯಲ್ಲಿ, ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ (ಪಿಎಫ್ಆರ್ಡಿಎ) ಇತ್ತೀಚೆಗೆ ಹೊಸ ನಿಯಮಗಳನ್ನು (NPS New Rule) ಘೋಷಿಸಿದೆ. ಈ ಹೊಸ ನಿಯಮದಡಿ (ಪಿಎಫ್ಆರ್ಡಿಎ) ತನ್ನ ಗ್ರಾಹಕರಿಗೆ ವ್ಯವಸ್ಥಿತ ಹಿಂದೆಗೆದುಕೊಳ್ಳುವ (ಎಸ್ಎಲ್ ಡಬ್ಲ್ಯೂ) ಸೌಲಭ್ಯವನ್ನು ಪ್ರಾರಂಭಿಸಲು ಪ್ರಸ್ತಾಪಿಸಿದೆ.
ಸರಳವಾಗಿ ಹೇಳುವುದಾದರೆ, ಇದು ಗ್ರಾಹಕರು ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯಲ್ಲಿ (NPS) ತಮ್ಮ ಹೂಡಿಕೆಯಿಂದ ಹಣವನ್ನು ಒಂದೇ ಬಾರಿಗೆ ಹಿಂಪಡೆಯುವ ಬದಲಾಗಿ, ನಿಯಮಿತವಾಗಿ ಪಡೆಯಲು ಅವಕಾಶ ನೀಡಿದ್ದು, ಇದರಿಂದ ಉದ್ಯೋಗಿಗಳು ಪ್ರಯೋಜನ ಪಡೆಯುತ್ತಾರೆ. ಪರಿಷ್ಕೃತ ನಿಯಮದ ಅನುಸಾರ, ಚಂದಾದಾರರು ಅವರ ಎನ್ಪಿಎಸ್ ಮೆಚ್ಯೂರಿಟಿ ಹಣದಲ್ಲಿ ಶೇ 60ರಷ್ಟು ಹಣವನ್ನು ಕಂತುಗಳ ಮೂಲಕ ಹಿಂತೆಗೆದುಕೊಳ್ಳಬಹುದಾಗಿದೆ.
ಹೊಸ ನಿಯಮ ಪ್ರಕಾರ ನಿಯಮಿತ ವ್ಯವಸ್ಥಿತ ಲಂಪ್ಸಮ್ ಹಿಂದೆಗೆದುಕೊಳ್ಳುವಿಕೆ ಮೂಲಕ ಗ್ರಾಹಕರು ಮಾಸಿಕ, ತ್ರೈಮಾಸಿಕ, ಅರ್ಧ- ವಾರ್ಷಿಕ ಮತ್ತು ವಾರ್ಷಿಕ ಪಾವತಿಗಳನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ. ಎನ್ಪಿಎಸ್ ವಾಪಸಾತಿಗಳನ್ನು ಪಡೆಯುವ ಸಂಬಂಧ ಅದನ್ನು ಪಾವತಿಯ ಆಯ್ಕೆ ಮಾಡುವ ಸಂದರ್ಭದಲ್ಲಿ ಅಧಿಕೃತ ಮಾಡಬೇಕಿದೆ. ಈ ಹಿಂದೆ ನೀಡಿದ ನಿಯಮಕ್ಕೆ ಕೊಂಚ ವಿನಾಯಿತಿ ನೀಡಿ ಶೇ 60ರಷ್ಟು ಹಣವನ್ನು ಹೊಸ ವ್ಯವಸ್ಥಿತ ಮೊತ್ತದ ಮೂಲಕ ಪಡೆಯಬಹುದು. 40ರಷ್ಟು ಕಾರ್ಪಸ್ ಅನ್ನು ವರ್ಷಾಶನ ಪಡೆಯಬಹುದಾಗಿದೆ. ಈ ಹೊಸ ವ್ಯವಸ್ಥೆಯನ್ನು ನವೀಕರಣ ಮಾಡಲು ಎನ್ಪಿಎಸ್ ಹೂಡಿಕೆಗಳಿಗೆ ಕೆವೈಸಿ ಸಂಬಂಧಿತ ಪ್ರಕ್ರಿಯೆಗಳನ್ನು ನಿರ್ವಹಿಸುವ ಜವಾಬ್ದಾರಿಯನ್ನು ಪಿಎಫ್ಆರ್ಡಿಎ ಕೇಂದ್ರಿಯ ದಾಖಲೆ ಕೀಪಿಂಗ್ ಏಜೆನ್ಸಿಗಳಿಗೆ ನೀಡಿದೆ .
ಪಿಎಫ್ಆರ್ಡಿಎ ಅಕ್ಟೋಬರ್ 27, 2023ರಲ್ಲಿ ಹೊರಡಿಸಿದ ಹೊಸ ಸುತ್ತೋಲೆ ಅನುಸಾರ, ಒಟ್ಟು ಮೊತ್ತವನ್ನು ಹಿಂಪಡೆಯುವ ಆಯ್ಕೆಯ ವಿವರಗಳನ್ನು ಕೇಳಲಾಗಿದೆ. ಜೊತೆಗೆ ಹೂಡಿಕೆದಾರರಿಗೆ ಎನ್ಪಿಎಸ್ ಕಾರ್ಪಸ್ ಫಂಡ್ನ ಶೇ 60ರಷ್ಟು ಮುಕ್ತಾಯದ ಮೊತ್ತದ ಮೇಲೆ ಹಿಂಪಡೆಯಬಹುದಾಗಿದೆ.
ಸದ್ಯ ಪಿಎಫ್ಆರ್ಡಿಎ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯ ಅಡಿ ಹಣವನ್ನು ಹಿಂಪಡೆಯಲು ಷೇರುದಾರರಿಗೆ ಪೆನ್ನಿ ಡ್ರಾಪ್ ಪರಿಶೀಲನೆ ಕಡ್ಡಾಯವಾಗಿದೆ. ಇದು ಷೇರುದಾರರಿಂದ ಹಣವನ್ನು ಸರಿಯಾದ ಸಮಯಕ್ಕೆ ವರ್ಗಾವಣೆಯ ಭರವಸೆಯನ್ನು ನೀಡುತ್ತದೆ. ಈ ಪೆನ್ನಿ ಡ್ರಾಪ್ ಪ್ರಕ್ರಿಯೆ, ಬ್ಯಾಂಕ್ ಉಳಿತಾಯ ಖಾತೆ ವ್ಯವಸ್ಥೆಯನ್ನು ಸಿಆರ್ಎ ಗಮನಿಸಲಿದೆ.
