Rajasthan: ವೃದ್ಧನೊಬ್ಬ ಯುವತಿಯ ಕಾಲಿನ ಚಿತ್ರಗಳನ್ನು ಕದ್ದು ತೆಗೆಯುತ್ತಿದ್ದಾಗ ಸಿಕ್ಕಿಬಿದ್ದಿರುವ ಘಟನೆ ರಾಜಸ್ಥಾನದ ಮೌಂಟ್ ಅಬುವಿನ ದೇಲ್ವಾಡಾ ಜೈನ ದೇವಾಲಯದಲ್ಲಿ ನಡೆದಿದೆ. ಇದು ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ.
This Uncle was clicking picture of a girl legs while sitting in the temple. She caught him red handed but he’s still denying any wrongdoing, Such a Perv pic.twitter.com/UrXzhYJZYM
— Amoxicillin (@__Amoxicillin_) April 15, 2025
ಹೌದು, ಯುವತಿಯೊಬ್ಬರು ದೇವಾಲಯದ ಮುಂದೆ ಶಾಂತವಾಗಿ ಕುಳಿತಿದ್ದಾಗ ಆಕೆಯನ್ನು ಗಮನಿಸುತ್ತಿದ್ದ ವೃದ್ಧ ಆಕೆಯ ಅನುಮತಿಯಿಲ್ಲದೆ ಕಾಲಿನ ಫೋಟೋಗಳನ್ನು ತೆಗೆಯಲು ಶುರು ಮಾಡಿದ್ದಾನೆ. ಯುವತಿ ಇದನ್ನು ಗಮನಿಸಿ ಆ ವ್ಯಕ್ತಿಯನ್ನು ಪ್ರಶ್ನಿಸಿದಾಗ ಆತ ಮೊದಲು ನಿರಾಕರಿಸಿದ್ದಾನೆ. ಆದರೆ ನಂತರ ಒತ್ತಾಯಿಸಿದಾಗ ತನ್ನ ಮೊಬೈಲ್ ಗ್ಯಾಲರಿ ತೆರೆದು ಫೋಟೋಗಳನ್ನು ತೋರಿಸಿದ್ದಾನೆ. “ನಾನೇನೂ ಮಾಡಿಲ್ಲ, ಇಗೋ ಡಿಲೀಟ್ ಮಾಡಿದೆ” ಎಂದು ಆತ ಉಡಾಫೆಯಿಂದ ಉತ್ತರಿಸಿದ್ದಾನೆ.
ಈ ಘಟನೆಯನ್ನು ಅಲ್ಲಿದ್ದ ಅನುರಾಗ್ ಎಂಬುವವರು ವಿಡಿಯೋ ಮಾಡಿ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. ಅನುರಾಗ್ ತಮ್ಮ ಪೋಸ್ಟ್ನಲ್ಲಿ ದೇವಾಲಯದಲ್ಲಿದ್ದ ಇತರರು ಸಹಾಯಕ್ಕೆ ಬರದ ಬಗ್ಗೆಯೂ ಬೇಸರ ವ್ಯಕ್ತಪಡಿಸಿದ್ದಾರೆ.
