75ನೇ ಸ್ವಾತಂತ್ರ್ಯ ದಿನಾಚರಣೆಗೆ ದೇಶಾದ್ಯಂತ ಅದ್ದೂರಿ ತಯಾರಿ ನಡೆಯುತ್ತಿದೆ. ಈ ನಡುವೆ ವಿವಿಧ ಕಂಪನಿಗಳು ಈ ಸಂಭ್ರಮಾಚರಣೆ ಭಾಗವಾಗಿ ಆಫರ್ ಗಳನ್ನು ಪ್ರಕಟಿಸುತ್ತಿದ್ದು, ಇದೀಗ ರಿಲಯನ್ಸ್ ಜಿಯೋ ಕೂಡ ಹೊಸ ಆಫರ್ ಪ್ರಕಟಿಸಿದೆ.
ತನ್ನ ಟ್ವಿಟರ್ ಹ್ಯಾಂಡಲ್ನಲ್ಲಿ ಸ್ವಾತಂತ್ರ್ಯೋತ್ಸವ ಕೊಡುಗೆ ಮತ್ತು ಉಚಿತ ಪ್ರಯೋಜನಗಳ ಕುರಿತು ಘೋಷಿಸಿದ್ದು, ಈ ಕೊಡುಗೆಯು ವಾರ್ಷಿಕವಾಗಿ ರೀಚಾರ್ಜ್ ಮಾಡುವವರಿಗೆ ದೀರ್ಘಾವಧಿಯ ಯೋಜನೆಯಾಗಿದೆ. ದಿನಕ್ಕೆ ನಿರ್ದಿಷ್ಟ ಜಿಬಿ ಡೇಟಾವನ್ನು ವರ್ಷ ಪೂರ್ತಿ ಬಳಸಬಹುದು, ಜೊತೆಗೆ ಕೆಲವು ಇತರ ಪ್ರಯೋಜನಗಳನ್ನು ಸೇರಿ ಒಟ್ಟು 3,000 ರೂ. ಆಫರ್ ನೀಡುತ್ತದೆ. ಈ ಆಕರ್ಷಕ ಸ್ಕೀಮ್ನಲ್ಲಿ ಹೆಚ್ಚುವರಿ ಬೋನಸ್ಗಳ ಜೊತೆಗೆ ವಿಡಿಯೊ ಸ್ಟ್ರೀಮಿಂಗ್ ಸೇವೆಗೆ ಒಂದು ವರ್ಷದ ಮೌಲ್ಯದ ಎಂಟ್ರಿ ಸೇರಿಸಲಾಗಿದೆ.
“ಜಿಯೋದ 2999 ಇಂಡಿಪೆಂಡೆನ್ಸ್ ಆಫರ್ನೊಂದಿಗೆ ಸ್ವಾತಂತ್ರ್ಯೋತ್ಸವ ದಿನವನ್ನು ಆಚರಿಸಿ ಮತ್ತು 3000 ಮೌಲ್ಯದ ಉಚಿತ ಪ್ರಯೋಜನ ಪಡೆದು ಆನಂದಿಸಿ ಎಂದು ರಿಲಯನ್ಸ್ ಜಿಯೋ ಹೇಳಿಕೊಂಡಿದೆ. ಈ ಯೋಜನೆಯಲ್ಲಿ ಪ್ರತಿ ದಿನ 2.5 ಜಿಬಿಯಂತೆ 365 ದಿನವೂ ಬಳಸಬಹುದು. ಇದರರ್ಥ ಬಳಕೆದಾರರು ಈ ಪ್ಯಾಕ್ನೊಂದಿಗೆ ಒಟ್ಟು 912.5 ಜಿಬಿ ಡೇಟಾವನ್ನು ಪಡೆಯುತ್ತಿದ್ದಾರೆ. ದಿನನಿತ್ಯದ ಡೇಟಾ ಖಾಲಿಯಾದ ನಂತರ ಮತ್ತು ಡೇಟಾ ವೇಗ ಬಳಕೆದಾರರು ಹೆಚ್ಚಿನ ಅಗತ್ಯವಿದ್ದಲ್ಲಿ ಯಾವಾಗಲೂ ಟಾಪ್ಅಪ್ಗಳನ್ನು ಸೇರಿಸಬಹುದು.
ಯೋಜನೆಯು ದಿನಕ್ಕೆ 100 ಎಸ್ಎಂಎಸ್ ಮತ್ತು ಯಾವುದೇ ನೆಟ್ವರ್ಕ್ಗೆ ಅನಿಯಮಿತ ಧ್ವನಿ ಕರೆ ಮಾಡಬಹುದು. ರಿಲಯನ್ಸ್ ಜಿಯೋ ಒಂದು ವರ್ಷದ ಡಿಸ್ನಿ+ ಹಾಟ್ಸ್ಟಾರ್ ಚಂದಾದಾರಿಕೆಯನ್ನು ಸಹ ನೀಡುತ್ತದೆ, ಇದು ರೂ 499 ಮೌಲ್ಯದ್ದಾಗಿದೆ. ಜಿಯೋ ಟಿವಿ, ಜಿಯೋ ಸೆಕ್ಯುರಿಟಿ, ಜಿಯೋ ಸಿನಿಮಾ ನಂತಹ ಇತರ ಜಿಯೋ ಸೇವೆಗಳನ್ನು ನೀಡುತ್ತದೆ. ಒಮ್ಮೆ ನೀವು ಖರೀದಿಸಿದ ಯೋಜನೆಯು 365 ದಿನಗಳವರೆಗೆ ಮಾನ್ಯವಾಗಿರುತ್ತದೆ.
