Train: ರೈಲ್ವೆ (Train) ಪ್ರಯಾಣಿಕರಿಗೆ ಬಿಗ್ ಶಾಕ್ ಬಂದೊದಗಿದೆ. ನವೆಂಬರ್ 5ರವರೆಗೆ ಪ್ರಮುಖ 2,500 ರೈಲುಗಳ ಸೇವೆ ರದ್ದಾಗಲಿದೆ. ಹೌದು, ಬಾಂದ್ರಾ ಟರ್ಮಿನಸ್ ಗೋರೆಗಾಂವ್ ಮಾರ್ಗದಲ್ಲಿ ಆರನೇ ಮಾರ್ಗದ ನಿರ್ಮಾಣ ಕಾರ್ಯದಿಂದಾಗಿ ನವೆಂಬರ್ 3 ರವರೆಗೆ ಪ್ರತಿದಿನ 250 ಕ್ಕೂ ಹೆಚ್ಚು ಉಪನಗರ ರೈಲು ಸೇವೆಗಳನ್ನು ರದ್ದುಗೊಳಿಸಲಾಗುವುದು ಎನ್ನಲಾಗಿದೆ.
ಆರನೇ ಮಾರ್ಗದ ಕಾಮಗಾರಿಗಳಿಗೆ ಅಕ್ಟೋಬರ್ 27 ರಿಂದ ನವೆಂಬರ್ 6 ರವರೆಗೆ ರೈಲುಗಳ ಭಾರಿ ರದ್ದತಿ ಅಗತ್ಯವಿದ್ದರೆ, ಈ 11 ದಿನಗಳ ಅವಧಿಯಲ್ಲಿ 2,700 ಸ್ಥಳೀಯ ರೈಲು ಸೇವೆಗಳನ್ನು ರದ್ದುಗೊಳಿಸಬೇಕಾಗಿತ್ತು. ಆದರೆ, ಈ ಸಂಖ್ಯೆ 2,525ಕ್ಕೆ ಇಳಿದಿದೆ.
ಒಟ್ಟು 230 ರಿಂದ 316 ಯುಪಿ (ಚರ್ಚ್ ಗೇಟ್ ಕಡೆಗೆ) ಮತ್ತು ಡೌನ್ (ವಿರಾರ್ / ದಹನು ಕಡೆಗೆ) ಉಪನಗರ ರೈಲುಗಳು ಪ್ರತಿದಿನ ರದ್ದತಿಯನ್ನು ಎದುರಿಸಬೇಕಾಗುತ್ತದೆ ಎಂದು ಪಶ್ಚಿಮ ರೈಲ್ವೆ ಸುಳಿವು ನೀಡಿದೆ. ಜೊತೆಗೆ, ನವೆಂಬರ್ 4 ರಂದು 93 ಸ್ಥಳೀಯ ರೈಲುಗಳು ಮತ್ತು ನವೆಂಬರ್ 5 ರಂದು 110 ಸ್ಥಳೀಯ ರೈಲುಗಳನ್ನು ರದ್ದುಗೊಳಿಸಲಾಗುವುದು ಎಂದು ತಿಳಿಸಿದೆ.
ನಿರ್ಮಾಣ ಚಟುವಟಿಕೆಗಳು ನಡೆಯುತ್ತಿರುವ ಕಾರಣ ಪಶ್ಚಿಮ ರೈಲ್ವೆ 2,525 ಉಪನಗರ ಸೇವೆಗಳನ್ನು ಒಂದು ವಾರದವರೆಗೆ ಸ್ಥಗಿತಗೊಳಿಸುವುದಾಗಿ ಘೋಷಿಸಿದೆ. ಶುಕ್ರವಾರದಿಂದ ಪಶ್ಚಿಮ ರೈಲ್ವೆಯ (ಡಬ್ಲ್ಯು ಆರ್) ಸ್ಥಳೀಯ ರೈಲುಗಳ ಮೇಲೆ ತೀವ್ರ ಪರಿಣಾಮ ಬೀರುತ್ತದೆ ಎಂದು ತಿಳಿದುಬಂದಿದೆ.
