Weight loss: ಅನೇಕರಿಗೆ, ತೂಕ ಇಳಿಸಿಕೊಳ್ಳಲು ಪ್ರೇರಣೆ ವಿವಿಧ ಕಾರಣಗಳಿಂದ ಬರುತ್ತದೆ. ಅವರು ಫಿಟ್ ಆಗಿರಲು, ಉತ್ತಮ ಆಕಾರದಲ್ಲಿರಲು ಅಥವಾ ದೀರ್ಘಕಾಲದ ಕಾಯಿಲೆಗಳಿಂದ ಮುಕ್ತರಾಗಲು, ಚಂದವಾಗಿ ಕಾಣಲು ಹೀಗೆ ಅನೇಕ ಕಾರಣಗಳಿರುತ್ತವೆ. ಆದರೆ ಮಲೇಷಿಯಾದ ಪುರುಷನಿಗೆ, ತನ್ನ ಹೆಂಡತಿ ತನ್ನ ಪಕ್ಕದಲ್ಲಿ ಮಲಗಬೇಕೆಂದು ಬಯಸಿದ್ದರಿಂದಲೇ ಅವನು ತೂಕ ಇಳಿಸಿಕೊಂಡಿದ್ದಾನೆ.
ಮಲೇಷಿಯಾದ ವ್ಯಕ್ತಿಯೊಬ್ಬ ಹೆಂಡತಿ ತನ್ನೊಂದಿಗೆ ಮಲಗಲು ಸಾಧ್ಯವಾಗುವಂತೆ ತನ್ನ ತೂಕವನ್ನು 78 ಕಿಲೋಗ್ರಾಂಗಳಿಂದ 65 ಕಿಲೋಗ್ರಾಂಗಳಿಗೆ ಇಳಿಸಿಕೊಂಡಿರುವುದಾಗಿ ಬಹಿರಂಗಪಡಿಸಿದ್ದಾನೆ. ತನ್ನ ಜೋರಾದ ಗೊರಕೆಯಿಂದ ಅವಳಿಗೆ ನಿದ್ರಾತಂಕ ಉಂಟಾಗಿ ಅವಳು ಬೇರೆ ಕೋಣೆಯಲ್ಲಿ ಮಲಗಲು ಪ್ರಾರಂಭಿಸಿದಳು ಎಂದು ಆತ ವಿವರಿಸಿದ್ದಾನೆ. “ನಾನು ಸಿಕ್ಸ್ ಪ್ಯಾಕ್ ಗಾಗಿ ತೂಕ ಇಳಿಸಿಕೊಳ್ಳಲಿಲ್ಲ. ನನ್ನ ಹೆಂಡತಿ ಇನ್ನು ಮುಂದೆ ನನ್ನ ಪಕ್ಕದಲ್ಲಿ ಮಲಗಲು ಸಾಧ್ಯವಾಗದ ಕಾರಣ ನಾನು ತೂಕ ಇಳಿಸಿಕೊಂಡೆ” ಎಂದು ಅವರು ಪೋಸ್ಟ್ನಲ್ಲಿ ಹಂಚಿಕೊಂಡಿದ್ದಾರೆ.
‘ನನ್ನ ಹೆಂಡತಿಗೆ ನಿದ್ರಾ ಆತಂಕ ಶುರುವಾಯಿತು…ಬೇರೆ ಕೋಣೆಗೆ ಹೋದಳು’
78 ಕೆಜಿಯಿಂದ 65 ಕೆಜಿಗೆ ಇಳಿದ ಮಲೇಷಿಯಾದ ಆ ವ್ಯಕ್ತಿ ತನ್ನ ಕಥೆಯನ್ನು ಹಂಚಿಕೊಳ್ಳುತ್ತಾ, ತನ್ನ ತೂಕದ ಉತ್ತುಂಗದಲ್ಲಿದ್ದಾಗ, ಅವನು ಇನ್ನೂ ವ್ಯಾಯಾಮ ಮಾಡುತ್ತಿದ್ದ. ಆದರೆ ಅವನು ಬಫೆಗಳನ್ನು ಕಂಡುಕಂಡಲ್ಲಿ ತಿನ್ನುತ್ತಿದ್ದನು ಎಂದು ಬಹಿರಂಗಪಡಿಸಿದನು. ತಿಮೋತಿ ಪ್ರಕಾರ, ಅವನ ಗೊರಕೆ ಎಷ್ಟು ಕೆಟ್ಟದಾಗಿದೆಯೆಂದರೆ ಅದು ‘ಮುದ್ದಾದ ಗೊರಕೆ’ಯಾಗಿರಲಿಲ್ಲ, ಬದಲಿಗೆ ಅದು ಅಂತಿಮವಾಗಿ ಅವನ ಮತ್ತು ಅವನ ಹೆಂಡತಿಯ ನಡುವೆ ಜಗಳಕ್ಕೆ ಕಾರಣವಾಯಿತು.
ತನ್ನ ಗೊಇರಕೆಯು ತನ್ನ ಹೆಂಡತಿಗೆ ನಿದ್ರಾ ಆತಂಕವನ್ನುಂಟುಮಾಡಿತು ಎಂದು ಅವನು ಒಪ್ಪಿಕೊಂಡನು. “ಅಂತಿಮವಾಗಿ, ಅವಳು ಬೇರೆ ಕೋಣೆಗೆ ಹೋದಳು. ಅದು ನನ್ನನ್ನು ಹೊಡೆದಿದೆ.
